Monday, July 4, 2011

Insaniyat dhundhta hu (In search of humanity..)

Kaise shuruat karu samajhta nahi,
Main khud ko Insano se alag ginta nahi,
Phir bhi yahi talash main karta hu,
Insan hu, insan me insaniyat dhundhta hu.

Aaj badi der tak khud ko aaine me dekhta raha,
Jawani me jo kho gayi, uss bachpan ki masumiyat dhundhta raha,
Aaj ki ladkiyo ko dekhkar yahi vichar karta hu,
Modern Indian Lady me fir 1 baar wahi Bharatiya Nari dhundhta hu,
Insan hu, insan me insaniyat dhundhta hu.

Aaj mila, uss nyay se nakhush sara desh hai,
Kya kare? Andhe kanoon ke saamne gungi janta ghutne tekti hai,
Iss sabke bawajud
Satyamev Jayate
me vishwas dhundhta hu,
Insan hu, insan me insaniyat dhundhta hu.

Aaj padhai me naya kadam utha raha hu,
Phir bhi Education System me Education dhundhta hu,
Dost bahot se bane, aaj bhi banata hu,
Thodisi hi sahi, unke dil me jagah dhundhta hu,
Insan hu, insan me insaniyat dhundhta hu.

Aaj shayad se pollution bahot badh gaya hai,
Apne maa-baba ke aasu pochkar, unki aankhon me mere liye sapne dhundhta hu,
Insan hu, insan me insaniyat dhundhta hu.

Aaj bhi garv se khud ko Bharatiya kehlata hu,
Mann hi mann me India vs Bharat ka vijeta dhundhta hu,
Aankhon se dikhta hai, Burger, Vada pav ko kuchal raha hai,
..........................................................
Aur ab bhi yeh insan, insan me insaniyat dhundhta hu

No comments:

Post a Comment